BONGE LA MECHI: Arsenal 1-0 Manchester City

                           Mkwaju wa mbali wa Arteta umeipa ushindi Arsenal

Mkwaju wa mbali wa Mikel Arteta umeipa Arsenal ushindi muhimu na kuiacha Manchester City ikiwa pointi nane nyuma ya Manchester United katika ligi kuu ya England. 

 

Yaya Toure alitoka mapema kutokana na kuumia na nafasi yake kuchukuliwa na David Pizzaro huku Balotelli akitolewa kwa kadi nyekundu.

Mara mbili Robin Van Persie aligonga mwamba huku mkwaju mwingine aliopachika wavuni ukiwa wa kuotea.

 

Arteta alipata mwanya katika dakika ya 86 kwa kuachia mkwaju umbali wa yadi 25.

 

Mashabiki wa Arsenal wakishangilia

Arsenal walitawala kabisa Mechi hii na kukosa bao mbili za wazi na Man City walikuwa na wakati mbovu hasa yule ‘Toto Tundu’-‘Kwanini kila Siku mie’- Mario Balotelli akistahili kupewa Kadi Nyekundu mara 3 katika Kipindi cha Kwanza lakini akaambulia Kadi ya Njano na hatimaye kupata nyingine ya pili katika Dakika ya 89 na kutolewa kwa Kadi Nyekundu.

Bao la ushindi kwa Arsenal, bao tamu sana, lilifungwa Dakika ya 86 na Mikel Arteta kwa kigongo cha mbali.

Vikosi vilivyoanza:

Arsenal: Szczesny, Sagna, Koscielny, Vermaelen, Gibbs, Arteta, Song, Walcott, Rosicky, Benayoun, van Persie

Akiba: Fabianski, Andre Santos, Oxlade-Chamberlain, Ramsey, Djourou, Jenkinson, Chamakh.

Man City: Hart, Zabaleta, Kompany, Lescott, Clichy, Toure Yaya, Barry, Milner, Aguero, Nasri, Balotelli

Akiba: Pantilimon, Richards, Pizarro, Dzeko, Kolarov, Tevez, De Jong.

Refa: Martin Atkinson

Arsenal sasa wamerejea katika nafasi ya tatu, pointi mbili juu ya Tottenham walio nafasi ya nne.

               
Nimekuvumilia sana toka nje sasa.... Mario Balotelli akipewa kadi nyekundu




 

Mwisho: Dakika 90 zikaisha Man city wakatoka kapa na huku wakiduwaa kama ligi imeisha.

[MECHI ZILIZOBAKI kwa Man United & Man City]

Man City	Man Utd
Jumatano Aprili 11 Man City v West Brom Jumamosi Aprili 14 Norwich v Man City Jumapili Aprili 22 Wolves v Man City Jumatatu Aprili 30 Man City v Man Utd Jumamosi Mei 5 Newcastle v  Man City Jumapili Mei 13 Man City v QPR	Jumatano Aprili 11 Wigan v Man United Jumapili Aprili 15 Man United v Aston Villa Jumapili Aprili 22 Man United  v Everton Jumatatu Aprili 30 Man City v Man United Jumamosi Mei 5 Man United v Swansea Jumapili Mei 13 Sunderland v Man United

Posted by Faustine Ruta at 10:10:00 AM 0 comments

 

Jumapili ya jana ya Pasaka katika uwanja wa Emirate kunawaka moto. Arsenal Ikiikaribisha Man City, huku kukiwa na taarifa kuwa Mancini hategemei kukaa muda mrefu Man City akiamini ameshaweka misingi ya Man City kushinda masimu ujao. Man City wakiwa nafasi ya Pili wakitazamia Ushindi kwao ndo muhimu zaidi ili kupunguza tofauti ya Pointi na Man United.
Arsenal nao ushindi kwao ni muhimu kujihakikishia wanashiriki UEFA mwaka huu.
Nani unadhani atashinda mchezo huu.? Maoni yako.

Timu	Michezo	GD	Pointi
Man Utd	31	49	76
Man City	31	50	71
Tottenham	32	20	59
Arsenal	31	21	58
Chelsea	31	18	56
Newcastle	32	6	56