Aliyemuua Mwangosi kizimbani

Mtuhumiwa atukubahatika kumwona kwa sura kwani alikuwa amejinga kitambaa usoni

 Gari la kifaharia alilokuja nalo mutumiwa mahakamani

Kwa mara ya kwanza jeshi la Police Tanzania limetampeleka mtuhumiwa wa mauaji ya mwandishi wa habari Mwangosi kizimbani.

 WAZIRI wa Mambo ya Ndani ya Nchi, Dk. Emmanuel  Nchimbi  amesema askari

anayetuhumiwa  kusababisha kifo cha aliyekuwa mwandishi wa habari wa kituo cha

televisheni cha Channel 10,  marehemu Daudi Mwangosi amefikishwa mahakamani  leo.

 Kwa mujibu wa taarifa iliyotolewa na wizara hiyo iliyosainiwa na Waziri Nchimbi

ilieleza kwamba  Septemba  7,mwaka huu  alikabidhiwa taarifa ya  awali ya uchunguzi

wa polisi  juu ya kifo cha mwandishi huyo   na  Mkuu wa Jeshi la  Polisi,  Inspekta 

Jenerali Said Mwema.

Hivyo  Septemba  11, mwaka huu  aliliagiza Jeshi la Polisi kumpeleka  mtuhumiwa huyo

askari  namba G. 2573 PC   Pasifious  mahakamani  leo kama ilivyotakiwa ma

Mkurugenzi wa Mshtaka(DPP).

 Waziri Nchimbi alisema wakati mtuhumiwa huyo amefikishwa mahakamani , kamati

iliyoundwa chini ya Jaji Ihema itaendelea na kazi yake ili kupata suluhisho la

kudumu la migongano ya kikazi kati ya polisi na waandishi wa habari na waandishi wa

habari, polisi na vyama vya siasa ikiwemo kuboresha mahusiano  zaidi kati ya polisi

na raia.

 Aliongeza kuwa mkondo wa sheria umeanza kufuatwa  nawaomba wadau wote kutoa nafasi 

kwa  utaratibu huo wa kisheria kufanya kazi.

Aidha aliongeza kuwa  uchunguzi huo wa awali ulibaini mambo makubwa mawili ,ambayo

ni mlipuko uliotokea ulitokana na bomu la Machozi na bomu hilo lilifyatuliwa na

askari huyo.